جمال سليمان: النظام السوري هددني إنه يخفي ابني تحت سابع أرض.. وهذا موقفي من شطب سلاف فواخرجي من النقابة

علق الفنان السوري جمال سليمان، على جدل فصل الفنانة السورية سلاف فواخرجي، من نقابة الفنانين السوريين، بعد حديثها الأخير عن سقوط نظام بشار الأسد، معربًا عن استيائه الشديد بسبب تصريحاتها.

وقال جمال سليمان، في تصريحات تلفزيونية: شفت مقابلة السيدة سولاف فواخرجي وأتمنى أنها تكون مع الوقت أدركت حجم الجرائم اللي عملها النظام، ولو في حاجة مش عاجباها اليوم فـ ده نتيجة النظام نفسه، وأن هذا النظام السياسي لو كان استجاب للحل السياسي التفاوضي ربما كان أنقذ مئات الآلاف من الضحايا من الشهداء والمنازل والمدارس وأنقذ سوريا من التأثير الخارجي، كنت بتمنى لو سولاف أدركت هذا الشيء، وتفاجأت بالطريقة اللي اتكلمت بيها.

وتابع جمال سليمان: حكاية الفصل من نقابة الفنانين السوريين أنا محبتهاش لأن أنا كمان اتفصلت نتيجة رأي وموقف، وأنا مش موافق على اللي قالته سولاف فواخرجي واختلف معه بالمطلق بس بنفس الوقت بتمنى يكون في عندنا بلد اسمها سوريا وتقدر سولاف تبقى عايشة في سوريا وتقول الكلام ده، بس هي مسؤولة كام حد هيصدقها ويأيدها وتاني يوم يشوفها في الطريق يقول لها برافو عليكي قولتي الحقيقة، أو يقولوا لها معقولة يا سيدة سولاف تقولي هذا الكلام بعد كل اللي جرى؟، معقولة ما شفتي اللي حصل ولا قرأتي مذكرات المساجين في صدنايا؟ بتحكي عن الفظائع اللي عاشوها في سجون النظام، والمفروض أن الواحد يحكم عقله في هذا الشيء.

وأضاف جمال سليمان، عن ما تعرض له من نظام بشار الأسد: أنا النظام اضطهدني وهجرني من بلدي وهددني يخفيلي ابني تحت سابع أرض، واغتصبوا بيت أهلي وجاب عنصر أمن سكنوا في بيت أهلي، دي ممارسات الاحتلال الإسرائيلي مش ممارسات حكومتك في بلدك، يعني حد بياخد بيتك.