«نحن الأهلي».. ردة فعل مذهلة من ريبيرو على مواجهة ميسي

كشف خوسيه ريبيرو المدير الفني الجديد للنادي الأهلي، عن استعداداته لـ بطولة كأس العالم للأندية 2025، وكيف سيتعامل مع النجوم الكبار المرتقب مواجهتهم بالبطولة وعلى رأسهم ميسي.

ويتنافس الأهلي في كأس العالم للأندية في يونيو الجاري في مجموعة تضم معه كل من أندية انتر ميامي وبورتو وبالميراس.

وقال ريبيرو في تصريح تليفزيوني عبر شاشة قناة «الأهلي»: «بنحاول نركز احنا والجهاز الفني بالكامل على أول المباريات وبالتحديد أول مباراة، ومن بكرة هنبدأ نركز بشكل كامل على المباراة الأولى، وهنبدأ نهيأ اللعيبة على مواجهة إنتر ميامي أول منافس لينا».

وأضاف: «هنحاول نهيأ اللعيبة نفسيًا بشكل كبير اننا لازم نكسب المباراة دي، عشان هتدينا دفعة كبيرة جدًا في البطولة، مهم جدًا نكسب أول مباراة ونتقدم خطوة مهمة في مجموعة صعبة جدًا، فيها عدد كبير من اللعيبة المميزة».

وتابع: «النادي الأهلي هيقدر يبقى منافس لـ3 فرق دول، ونوصل لمراكز متقدمة في البطولة بس مهم جدًا نركز في أول مباراة ونكسبها».

وأكد على أننا وصلنا لوضع شكل لكل مباراة سنواجهها من الفرق الثلاثة بالمجموعة، هما مختلفين بيلعبوا بأساليب وطريقة لعب مختلفة، في لاعبين موجودين في الفرق كسبوا كل البطولات في العالم تقريباً، زي ألابا، وسواريز وميسي، وهما مش في قمة مستواهم حاليًا ولكن مميزين، وفي الأخير احنا الأهلي.

وشدد على ضرورة وقف خطورة اللاعبين المميزين، وهنلعب مباراة ودية مع باتشوكا، بيلعبوا بطريقة قريبة من طريقة لعب المنافسين، واحنا بنشتغل وبنحلل من خلال محلل الأداء.